Rutes

     Los Picos d’Europa tán estremaos en trés macizos: el macizu Ocidental o Cornión, el macizu Central o de los Urrieles, y el macizu Oriental o de Ándara.

Los Urrieles
Los Urrieles

     Los mayores altores atópense nel macizu Central o de los Urrieles, que ye’l más montascosu de los trés, pos catorce de les sos cumes superen los 2600 m d’altitú, cola Torre Cerredo, de 2650 m,​ como techu d’estos montes y tercer máximu de tola península ibérica. Otru monte que forma parte d’esti macizu y’el Picu Urriellu, de gran importancia hestórica nel alpinismu español. Foi conquistáu per primer vegada’l 5 d’agostu de 1904, por Pedro Pidal, marqués de Villaviciosa, y el so compañeru de cordada y guía Gregorio Pérez Demaría el cainejo, pastor natural de Caín de Valdeón, ascensión que se considera como la nacencia del alpinismu n’España.

Cornión
Cornión

     Nel macizu Occidental o Cornión, llamáu asina pola forma de cuernu qu’ufierta la so figura al ser vistu dende l’oeste, destaca la Peña Santa, que coles sos 2596 m d’altitú supera en 110 m a la siguiente cume d’esti macizu, la Torre de Santa María o Torre Santa de Enol. Por estos dos montes, la Peña Santa y la Torre Santa, esti macizu conozse coles mesmes como’l de les Peñes Santes.

Ándara
Ándara

     El macizu Oriental o de Ándara, llamáu asina por tar nél el circu del mesmu nome, ye’l más modestu de los trés, tantu n’altor (el so techu, la Morra de Lechugales, algama los 2444 m d’altitú) como en verticalidaes.